Sa kanyang pinakabagong vlog, ibinunyag ng Youtuber at aktress na si Ivana Alawi na ipapagawa niya na ang “dream house” ng kanyang ina na si Fatima Marbella.
Ayon kay Ivana sa isa niyang vlog noong April 21, inipon niya lahat ng kita niya sa vlogging para sa pagpapatayo ng bahay ng kanyang ina.
“Hindi ko pa siya nagagastos kahit piso kasi nga pambili ko yun ng bahay ni mama.”
Buong pagmamalaking ibinahagi ni Ivana ang disenyo ng bahay. Moderno ito at Italian naman ang interior design.
“So, modern siya but ‘yung inside niya is parang Italian na gold. Gusto kasi ni Mama ng gold kaya puro gold ‘yung design niya.
Kami ni Mama ‘yung nag-design. Gusto ko maraming salamin na bahay. ‘Tapos si Mama sabi niya gusto niya gold tsaka high ceiling.”
Sinorpresa rin ni Ivana sa nasabing video ang kanyang kapatid na lalaki na si Hashim. Binilhan niya ito ng lupa doon rin sa loob ng subdivision na iyon dahil gusto umano niya na magkakapitbahay lamang sila.
Paliwanag ng aktress, hindi raw mahilig sa mamahaling gamit ang kanyang kapatid kagaya ng rolex, kaya naman naisipan niya ibili na lamang ito ng lupa.
Naiyak naman sa natuwa ang kapatid ni Ivana na nung una akala nito ay bahagi lang ng isang prank.
Panoorin ang video:
Like 
on Facebook
Noong Agosto 2019 lamang nagsimulang mag-vlog sa Youtube si Ivana. Makalipas ang mahigit isang taon, sa kasalukuyan umabot na sa mahigit 9 milyon ang kanyang subscribers.
Gayunpaman, kahit milyon-milyon ang views ng kanyang mga vlog, inamin ni Ivana na nasa 5-6 digits lamang ang kinikita niya sa Youtube.
Ang Youtube ay isang sikat na American online video-streaming platform kung saan binabayaran ang mga content creators tulad ni Ivana ng dolyar bilang share sa kita sa advertisement na sinisingit sa mga videos.
